राष्ट्रिय महिला लिगको पहिलो चरणका खेल चितवनमा हुने
काठमाडौं । राष्ट्रिय महिला फुटबल लिगको पहिलो चरणका खेल चितवनमा हुने भएको छ । अखिल नेपाल फुटबल संघ (एन्फा)ले प्रतियोगिता चैतको दोस्रो साता आयोजना गर्ने जनाएको छ ।
पहिलो चरणको खेल चितवनमा गर्नका लागि एन्फाले भरतपुर महानगरपालिकासँग सम्झौता गरेको छ । एन्फाका अध्यक्ष कर्माछिरिङ शेर्पा र भरतपुर महानगरपालिकाका मेयर रेणु दाहालले सम्झौता पत्रमा हस्ताक्षर गरेका थिए ।
विज्ञापन
सम्झौताअनुसार मैदानको मर्मत सम्भार र व्यवस्थापनको खर्च भरतपुर महानगरपालिकाले व्यहोर्ने छ । पहिलो चरणका खेलहरू ७ र १९ नम्बर वडाको मैदानमा हुनेछ । महिला लिगमा ८ टिमको सहभागिता रहनेछ ।
लिगमा एपीएफ क्लब, त्रिभुवन आर्मी क्लब, नेपाल पुलिस क्लब, विराटनगर महानगरपालिका, वालिङ नगरपालिका, चन्द्रपुर नगरपालिका, धनगढी उपमहानगरपालिका र ललितपुर महानगरपालिकाको सहभागिता रहने छ ।
धनगढी र ललितपुर उपमेयर कप राष्ट्रिय महिला लिग छनौट प्रतियोगिताबाट राष्ट्रिय लिगका लागि छनोट भएको हो । छनौटमा धनगढी च्याम्पियन बनेको थियो भने ललितपुर उपविजेता बनेको थियो ।
चर्चामा
सम्बन्धित समाचार
फेसबुक प्रतिक्रियाहरु