नेकपा–एमालेको नेपाल–खनाल समूहको राष्ट्रिय भेलाले १७–बुँदे प्रस्ताव पारित गरेको छ। बुधबारदेखि ललितपुरको सानेपामा भएको दुई–दिने भेलाले सो प्रस्ताव पारित गरेको हो।

सो भेलाले अध्यक्ष ओलीलाई फागुन २८ गते उनले गरेका निर्णय रद्द गरी क्रमशः पार्टी स्थायी समिति, पोलिटब्युरो र केन्द्रीय समितिको बैठक बोलाउन माग गरेको छ।

विज्ञापन

सो भेलाले नेकपा एकीकरण बदर गर्ने सर्वोच्च अदालतको फैसलाप्रति असहमति प्रकट गरेको छ। ‘अध्यक्ष केपी शर्मा ओली स्वयंको गुटबन्दीबाट भएका र हुनसक्ने पार्टी विधान, पार्टी एकता र राष्ट्रिय हित प्रतिकूलका कुनैपनि काम कारबाहीका विरुद्ध दृढताका साथ अग्रसर हुन यो भेला नेकपा (एमाले) का सबै नेता, कार्यकर्ता, सदस्य र शुभेच्छुकहरुमा हार्दिक आह्वान गर्दछ,’ प्रस्तावको सातौं बुँदामा भनिएको छ।

एमसीसीबारे
सो भेलाले अमरिकी सहयोग कार्यक्रम मिलेनियम च्यालेन्ज कर्पोरेसन (एमसीसी) बारे पनि प्रस्ताव पारित गरेको छ। ‘नेपाल सरार र अमेरिकी मिलेनियम च्यालेञ्ज कर्पोरेसनबीच भएको सम्झौता तथा नेपालका प्राकृतिक स्रोतहरुको उपयोगका सम्बन्धमा हुने कुनै पनि सम्झौता र सहमति नेपालको स्वतन्त्रता, स्वाधीनता र हित अनुकूल मात्र हुनुपर्नेमा जोड दिँदै त्यसतर्फ यो भेला सम्बन्धित सबैको ध्यानाकर्षण गराउँछ,’ बुँदा नम्बर ११ मा भनिएको छ।

प्रस्तावको पूर्णपाठ