ललितपुरको सानेपामा जारी भेलामा पुराना कम्युनिस्ट नेताहरु राधाकृष्ण मैनाली, मोहनचन्द्र अधिकारी, सिद्धिलाल सिंह, मोदनाथ प्रश्रित, कमल कोइराला लगायतको पनि उपस्थिति रहेको हो । ०२८ मा झापा विद्रोहका बेलामा मैनाली, प्रधानमन्त्री केपी ओलीसहितका नेताहरूले १४ वर्ष जेल जीवन बिताएका थिए । जेलबाट छुटेपछि मैनाली भने ०४७ सालमा वाममोर्चाको कार्यवाहक अध्यक्षसमेत बनेका थिए । मैनाली पटकपटक मन्त्रीसमेत बनेका थिए । उनी अहिले भने राजनीतिबाट निस्कृय जस्तै देखिएका छन् । उनी ओली, खनाल र नेपालको राजनीतिक जीवनलाई सबैभन्दा नजिकबाट व्यहोरेका र चिनेका नेता हुन् । त्यस्तै भेलामा उपस्थिति जनाएका अर्को व्यक्ति हुन् मोहनचन्द्र अधिकारी । उनी नेपाल कम्युनिस्ट आन्दोलनका शिखर पुरुषको रुपमा चिनिन्छन् । अधिकारी पनि झापा विद्रोहबाट उदाएका नेता हुन् । उनी सबैभन्दा बढी १७ वर्ष जेल जीवन बिताएका छन् । उनलाई नेपालका नेल्सन मण्डेलाका रुपमा पनि परिचित छन् । एमालेका पुराना नेता प्रश्रित पनि साढे ८ वर्ष भन्दा बढी जेल बसेका छन् । उनी पनि नेपाल खनालले आयोजना गरेको भेलामा सहभागि भएका हुन् ।

विज्ञापन