प्रहरीले आधा किलो सुन, साढे १४ किलो चाँदी र २ थान पेस्तोल बरामद गरेको घटनाले नयाँ मोड लिएको छ ।

मंलगबार प्रहरीलाई नै चक्मा दिँदै कमलादीको चेक प्वाइन्टमा बा६च ५५१९ नम्बरको स्कार्पियो गाडीले आधा किलो सुन, साढे १४ किलो चाँदी र २ थान पेस्तोल फालेर स्कार्पियो भागेको सार्वजनिक गरेको थियो ।

विज्ञापन

तर, सो सामग्री फालेर भागेको नभई तस्करहरूले प्रहरीलाई बुझाएर गाडी भगाएको खुलेको हो । प्रहरी स्रोतका अनुसार यसरी प्रहरीलाई झोला दिएर भाग्नेहरूमध्येका ३ जना पक्राउ परेका छन् । उनीहरूलाई नवलपरासीबाट पक्राउ गरिएको हो ।

पक्राउ परेका सबै महानगरीय अपराध महाशाखाको नियन्त्रणमा रहेको महाशाखा स्रोतले बतायो ।

नक्कली सुन बुझाउने मिदेश सकियाले महाशाखामा दिएको बयानमा चेक प्वाइन्टभन्दा अलिक अघि बढेर मात्र आफूहरूले प्रहरीलाई झोला बुझाएको बयान दिएका छन् ।

प्रहरीले हेरेको सीसीटीभी फुटेजमा पनि यसअघि प्रहरीले बताएको घटनास्थल कमलादीमा देखिएको छैन ।

चितवन पुगेपछि भने उनीहरूले ट्याक्सी चालकलाई ७ हजार ५ सय रुपैयाँ थप रकम दिने सर्तमा भैरहवा लगेका थिए । तस्करले प्रयोग गरेको उक्त ट्याक्सी ग्रान्डी अस्पतालमा एक जना बिरामी छाडेर थानकोटतर्फ जाँदै गरेको अभियुक्तले बयानमा उल्लेख गरेका छन् ।