पर्वत /आमहड्तालको पुर्व सन्ध्यामा कुस्माबजारमा बुधबार साँझ राँके जुलुस प्रर्दशन गरिएको छ । कुस्माको दुुर्लुङ्गचोकबाट शुरु गरिएको राँके जुलुस आचार्यचोक, फिल्महलचोक हुँदै शिबालयचोकमा पुगेर समापन भएको थियो ।

समापनमा बोल्दै नेकपाका पर्वत इन्र्चाज तथा केन्द्रिय सदस्य गुप्तबहादुर हमालले असम्बैधानिक कदम र नियुक्तिका बिरुद्ध आमहड्ताल आब्हान गरिएकाले यसलाई सफल बनाउन आब्हान समेत गर्नुभएको थियो ।

विज्ञापन

त्यस्तै नेकपा पर्वतका कार्यालय सदस्य भक्त कुँवरले सरकारले गरेको स्वेच्छाचारी कदमको भर्सना गर्दै आन्दोलनका कार्यक्रममा सहयोग गर्न सबैलाई आग्रह गरे । सो अवसरमा नेकपाका पूर्व अनुशासन आयोगका सदस्य गणेश शर्मा पौडेल, नेकपा पर्वतका सचिब सुदिप कुँवर, नेकपा पर्वतका कार्यालय सदस्य पदमपाणी शर्मा लगायतका नेता कार्यकर्ता सहभागी थिए ।

प्रतिनिधीसभा पुर्नस्थापनाको माग सहित आन्दोलनमा रहेको प्रचण्ड–नेपाल समुहले प्रधानमन्त्रीको कार्यक्रममा यस अघि पनि बिरोध जनाउने तयारीमा थियो भने आमहड्ताल नै आब्हान गरेपछि थप बिरोध हुने देखिएको छ । खुर्कोटमा सबस्टेशन उद्घाटन हुनेभएपछि पोखरा –बागलुङ्ग राजमार्ग क्षेत्र, कुस्माबजार, पाङ्ग, खुर्र्कोटमा बिरोध प्रर्दशनको तयारी उक्त समुहले गरेको छ । आमहड्ताल समेत आब्हान गरेका कारण कार्यक्रममा सहभागीहरु ओसार्न समेत थप चुनौती देखिएको छ । नेकपाको ओली समुहले जनसहभागिता देखाउन गाउँगाउँबाट बसमा समर्थकहरु ल्याउने तयारी गरिरहेको छ ।

यसैबीच राष्ट्रिय गौरवको आयोजना कालीगण्डकी प्रसारण करिडोरको खुर्कोट–दाना खण्डको उद्घाटन गर्न बिहीबार प्रधानमन्त्री केपी शर्मा ओली पर्वत आउँदैछन ।

सरकारले सम्बैधानिक निकायमा गरेको नियुक्तीको बिरोधमा बिहीबारै नेकपाको प्रचण्ड–नेपाल समुहले आमहड्ताल आब्हान गरेपछि प्रधानमन्त्रीको पर्वत भ्रमणमा सुरक्षा चुनौती थपिएको छ ।

प्रधानमन्त्री ओलीले बिहीबार दिउँसो पर्वतको कुश्मा नगरपालिका–२ खुर्काेटमा रहेको २२०÷१३२ केभी सबस्टेशन, खुर्कोट देखि म्याग्दीको अन्नपूर्ण गाउँपालिका–३ को दानासम्मको २२० केभी प्रसारण लाईन, र दानामा २२०÷१३२÷३३ केभि सबस्टेशनको उद्घाटन गर्ने कार्यक्रम छ ।

तर पर्वतका प्रमुख जिल्ला अधिकारी शम्भुप्रसाद रेग्मी भने कुनैपनि कमजोरी र घटना नहुने गरि सुरक्षा तयारी गरिएको बताउनुहुन्छ । राजमार्गमा चल्ने सबै सवारी साधनलाई स्कर्टिङ्ग गर्ने तयारी समेत भएको छ भने सुरक्षा परिचालन बढाइएको छ । पोखरा र बागलुङ्गबाट थप सुरक्षाबल समेत मगाईएको छ । प्रधानमन्त्रीको कार्यक्रमका लागि नेपाल प्रहरीका डिआईजी घनश्याम अर्याल, शसस्त्र प्रहरी बल र राष्ट्रिय अनुसन्धानका डिआईजी समेत बुधबार देखि पर्वतमा छन ।