काठमाण्डौ, हरेक कमाण्डमा अब्बल बनेकी एसपी गंगा पन्त यस पटक २३ किलो अबैध सुन बरामद गरेसँगै पूनः चर्चामा आएकि छिन् । पन्तले विभिन्न जिल्लामा प्रहरी प्रमुख भएर काम गर्दा तस्करी, कालोबजारी र अपराधीलाई तह लगाएर चर्चामा आएपनि यस पटक वीरगञ्जमा अपराध नियन्त्रणमा महत्वपूर्ण भूमिका निभाउँदै आएकी छिन् । उनले हिजो मात्रै २३ किलो अवैध सुन बरामद गर्न भूमिका खेलेसँगै चर्चा बढेर गएको हो ।

फरक शैलीको काम र नेताहरुको भनसुनमा भन्दा अपराधलाई शुन्य सहनशिलता अपनाएकै कारण उनलाई सरुवा भएको ठाउँ चितवन जान रोकिएको थियो । चितवनमा जान रोक्किएपछि पर्सा सरुवा भएकी एसपी गंगा पन्तले आफ्नो एकपछि अर्को खुबी देखाइरहेकी छिन् । उनले महिलाले पनि दरिलो गरी कमाण्ड गर्छन् भनी प्रमाणित समेत गरेकी छिन् ।

विज्ञापन

वीरगञ्ज महानगरपालिका ५ स्थित गणेश अर्पाटमेन्टबाट विशेष सूचनाको आधारमा सुन बरामद भएको हो । सुन बरामद भएपछि देशव्यापी चर्चा पाएको छ । सुनको बजार मूल्य १५ करोडभन्दा बढी पर्न आउँछ ।

पर्सा सरुवा भएपछि गंगा पन्तले कालोबजारी, तस्करी नियन्त्रणमा प्रहरीलाई महत्वपूर्ण उपलब्धि हासिल गराउन सफल भएकी छिन् । पन्तले काठमाण्डौमा प्रहरी नायव उपरिक्षक हुँदा गुण्डागर्दी, महिला हिंसा, अपराध नियन्त्रणमा विशेष भूमिका खेलेपछि पर्वतको कमाण्डमा पठाइएको थियो ।

पर्वतमा अबैध ढुंगा गिटी बालुवाको तस्करी रोक्न खेलेको भूमिका जनस्तरसम्म प्रभावकारी बनेको थियो । पन्तको कार्यशैली चित्त नबुझेपछि केही तस्करहरु र प्रहरीका उपल्लो तहका अधिकारीहरुले विभिन्न मुद्धा बनाएर कारवाहीको समेत सिफारिस गरेका थिए ।