आन्तिरक उडानमा टिकटको प्रिन्टेड वा डिजिटल कपी अनिवार्य देखाउनु पर्ने, टिकटको पीएनआर कोड देखाएर नहुने
त्रिभुवन अन्तर्राष्ट्रिय विमानस्थलबाट आन्तरिक उडान गर्ने यात्रुले टिकटको प्रिन्टेड वा डिजिटल कपी देखाउनु पर्ने भएको छ ।
त्रिभुवन अन्तर्राष्ट्रिय विमानस्थल नागरिक उड्डयन कार्यालयले फागुन ७ गते शनिवारदेखि लागू हुने उक्त व्यवस्था जारी गरेको हो । यस अघि टिकट नम्बर मात्र देखाएर विमानस्थल छिर्न पाउने व्यवस्था थियो ।
विज्ञापन
आन्तरिक उडानबाट यात्रा गर्ने कतिपय यात्रुहरुले टिकटको पीएनआर कोड मात्र देखाउने गरेको र उक्त कोडमा यात्रुको पहिचान नखुल्ने भएकोले सुरक्षा संबेदनशीलतालाई मध्यनजर गरी उक्त व्यवस्था लागु गरेको हो ।
अब यात्रुले विमानस्थल प्रवेश गर्दा अनिवार्य रुपमा पूर्ण विवरण सहतिको टिकटको प्रिन्टेड वा डिजिटल कपी देखाउनु पर्ने भएको हो ।
साथै टिकटमा उल्लेख भएको रिपोर्टिङ्ग समयमा अनिवार्य रुपमा विमानस्थल प्रवेश गर्न पनि त्रिभुवन अन्तर्राष्ट्रिय विमानस्थल नागरिक उड्डयन कार्यालयले अनुरोध गरेको छ
चर्चामा
सम्बन्धित समाचार
फेसबुक प्रतिक्रियाहरु