मित्र कुञ्जको सहयोगमा कास्कीको अन्नपूर्ण गाउँपालिकामा रहेको बाकोट आधारभुत विद्यालयका विद्यार्थीहरुलाई न्यानो कपडा तथा स्टेशनरी सामाग्री वितरण गरिएको छ । कुञ्जले बिध्यार्थीका लागि न्यानो कपडा स्विटर र टोपी साथै बिध्यालयकोलागि स्टेशनरी, खेलकुद र प्राथमिक उपचार बक्स लगायतका सामाग्री हस्तान्तरण गरेको हो ।

कार्यक्रममा बोल्दै प्रमुख अतिथि कुञ्जका केन्द्रीय अध्क्ष महेश पाण्डेले गाउँमा दुरदराजमा रहेका विद्यालयमा सहयोग गर्दा विपन्न र लक्षित वर्गसम्म पुग्न सकिने बताउँदै आगामी दिनमा समेत सहयोगको प्रतिवद्धता व्यक्त गर्नुभयो । उहाँले यस्ता सहयोगले विद्यार्थीको हौसला बढ्ने र विद्यालयको समेत शैक्षिक गुणस्तरमा समेत सहयोग पुग्ने बताउनुभयो ।

विज्ञापन

कार्यक्रममा विशिष्ठ अतिथि तेजनाथ न्यौपाने, वडा सदस्य ज्ञान बहादुर कुवर, प्रबिण गुरुङ, अन्नपूर्ण गापा शिक्षा समिती सदस्य मीना गुरुङ, प्रअ मिन प्रसाद न्यौपाने लगातयले शुभकामना मन्तब्य स्वागत राख्नुभएको थियो । कार्यक्रममा विद्यालय व्यवस्थापन समितिका अध्यक्ष अध्यक्ष पदम बहादुर बिक र स्वागत तथा धन्यवाद प्र अ मीन प्रसाद न्यौपानेले गर्नुभएको थियो । कार्यक्रमको संचालन शिक्षक सूर्यले गर्नुभएको थियो ।