पर्वत। बिहादी गाउँपालिका–२ बर्राचौर घर भई हाल अमेरिकाको क्यालिफोर्नियामा बस्दै आएका समाजसेवी बैकुण्ठ गिरीले भलिबल खेललाई प्रोत्साहन गर्ने उद्देश्यले १८ वर्ष मुनिका खेलाडीहरुलाई आकर्षक जर्सी सेट प्रदान गर्नुभएको छ।

दशैकाे अवसर पारेर स्थानीय गिरी समाजका तर्फबाट आयोजित कार्यक्रममा उहाँले पठाउनुभएको जर्सी वितरण गरिएको हो। जर्सी पाएपछि खेलाडीहरु उत्साहित देखिएका छन्। गाउँघरमा खेलकुदलाई अझ संगठित र व्यवस्थित बनाउन यस्तो सहयोगले ठूलो ऊर्जा मिल्ने विश्वास गरिएको छ।

विज्ञापन

समाजसेवी गिरी विगतदेखि नै विभिन्न सामाजिक, सांस्कृतिक तथा खेलकुद गतिविधिमा निरन्तर सहयोग गर्दै आइरहनुभएको छ। गाउँमा क्लवले आयाेजना गरेका खेलकुद कार्यक्रम मा पुरस्कार साैजन्य,धार्मिक क्षेत्रमा हुने सास्कृतिक कार्यक्रममा सहयाेग, लगाएत विभिन्न क्षेत्रमा उहाँको विशेष ध्यान रहेको छ। विशेष गरी बालबालिका र युवाहरुलाई असल बाटोमा अघि बढाउन खेलकुद ठूलो माध्यम हुने भन्दै उहाँले यसअघि पनि प्रतिभा प्रोत्साहनमा सहकार्य गर्दै आउनुभएको छ।

युवालाई खेलकुदतर्फ आकर्षित गर्न र दुर्व्यसनबाट टाढा राख्न यस्ता प्रयासले महत्वपूर्ण योगदान गर्ने स्थानिय युवा ब्यबसायी उमेश गिरीले बताउनुभयाे । स्थानीय बासिन्दाहरुले बैकुण्ठ गिरीजस्ता समाजसेवीबाट निरन्तर प्रेरणा मिलिरहेको जनाउँदै आगामी दिनमा पनि खेलकुद र समाजसेवामा निरन्तर हातेमालो हुने विश्वास व्यक्त गरे।