काठमाडौं । चीनको हुनान प्रान्तमा अविरल वर्षासँगै आएको बाढीले १ जनाको मृत्यु भएको छ । हजारौं घर डुबानमा गरेका छन् ।

गत शुक्रबारदेखि परेको अविरल वर्षाका कारण हालसम्म १३ जनाको मृत्यु भएको छ भने दुई लाख बढी मानिसलाई सुरक्षित स्थानमा सारिएको अन्तर्राष्ट्रिय सञ्चारमाध्यमले जनाएका छन् ।

विज्ञापन

पीडितको उद्धारका लागि तीन हजारभन्दा जनमुक्ति सेना खटाइएको छ । रेल, सडक र विमानस्थल बन्द गरिएका छन् ।

वर्षाले सबैभन्दा धेरै प्रान्तको राजधानी झेङझाउ प्रभावित भएको छ । धेरै मानिसहरू झेङझाउको सब वेमा बाढी आउँदा फसेका थिए । झेङझाउ सहर एलो रिभरको छेउमा छ ।

अत्याधिक वर्षा भएपछि नदी बढेको छ भने बाँधिएका ड्याम जुनसुकै बेला फुट्ने खतरामा पुगेका छन् ।

मौसमविद्हरूलाई उद्धृत गर्दै चिनियाँ सञ्चारमाध्यमले गत शनिबारदेखि मंगलबारसम्म झेङझाउमा ६ सय १७ मिलिमिटर पानी परेको जनाएका छन् । औसतमा उक्त सहरमा वार्षिक ६ सय ४० मिलिमिटर पानी पर्ने गरेको थियो ।

पछिल्लो एक हजार वर्षमा योपटक सबैभन्दा धेरै वर्षा भएको मौसमविद्हरुले बताएका छन् । बुधबार पनि उक्त क्षेत्रमा वर्षा भइरहेको छ । एजेन्सी