कुश्मा। नेपाली कम्युनिस्ट पार्टीको कुश्मा नगरपालिका स्तरीय प्रशिक्षण तथा पार्टी एकता सन्देश प्रवाह कार्यक्रम आज विशेष समारोहका बीच सफलतापूर्वक सम्पन्न भएको छ ।

उक्त कार्यक्रमलाई सम्बोधन गर्दै प्रमुख अतिथी तथा पुर्वमन्त्री देबेन्द्र पौडेलले
काम नगर्ने राजनीतिले जनतालाई भरोसा दिन नसक्ने बताए ।

विज्ञापन

“सत्तामुखी होइन, जनमुखी कम्युनिस्ट राजनीति आजको आवश्यकता हो ” पौडेलले भने,

“व्यवस्था फेरियो, तर जनताको जीवन नफेरिनु असफलता भएको भन्दै उनले युवा पुस्ताको ऊर्जा र अग्रजहरूको अनुभवलाई जोड्न सकेमात्र कम्युनिस्ट आन्दोलन नयाँ उचाइमा पुग्नेमा जोड दिए ।

पौडेलले सिद्धान्तमा स्पष्टता र व्यवहारमा अनुशासन कायम गर्न सकेमात्र पार्टी बलियो बन्ने धारणा व्यक्त गरे ।

कार्यक्रममा नेताहरु दिलु पन्त, कृष्ण नेपाली, सुदिप कुँवर, मनहरी तिमिल्सिना, मोतीप्रसाद पौडेल, ढाकाराम गौतम, गुणाखर बस्याल, उमाकान्त भुर्तेल, ठाकुरप्रसाद पौडेललगायतले बोलेका थिए । नेताहरुले संगठनगत एकता, सिद्धान्तगत स्पष्टता र जनताप्रतिको प्रतिबद्धतालाई अझ सुदृढ बनाउँदै लैजानुपर्नेमा जोड दिए ।

युवा नेता मिनराज केसी अविरलको अध्यक्षतामभा सम्पन्न कार्यक्रमा अमृत गुरुङ स्वागत मन्तव्य र सञ्चालन दिपुबाबु गिरीले गरेका थिए ।