पर्वत– पर्वत उद्योग वाणिज्य संघको ४२ औँ साधारणसभा तथा ४९ औं वार्षिकोत्सबको अबसरमा आयोजित मैत्रीपुर्ण फुटबल प्रतियोगिताको उपाधि नेपाल पत्रकार महासंघ पर्वतले हात पारेको छ ।

पर्वत उद्योग बाणिज्य संघ र पत्रकार महासंघबीच भएको प्रतियोगितामा पर्वत उद्योग वाणिज्य संघलाई ३–० गोलले हराउदै नेपाल पत्रकार महासंघ पर्वतले उपाधि हात परेको हो ।

विज्ञापन

महासंघको तर्फ बाट ३ वटा गोलनै गंगा गुरुङले गर्नुभएको थियो । निकै रोमाञ्चक खेलमा पहिलो हापको अन्त्य तिर गंगा गुरुङले गोल गर्दै महासंघको टिमलाई अग्रता दिलाउनु भएको थियो भने दोस्रो हापमा पनि लगातार २ गोल गदै गुरुङ्गले गोल गर्नुभएको हो । पत्रकार महासंघका अधिकांस गोल गर्ने प्रयास गोलरक्षक अनिश कर्मचार्यले विफल पार्नुभएको थियो ।

यस अघि मैत्रीपुर्ण फुटबल प्रतियोगिता उद्घाटन कार्यक्रममा प्रमुख जिल्ला अधिकारी केदारनाथ शर्मा, नेपाल पत्रकार महासंघ पर्वतका अध्यक्ष लक्ष्मण सापकोटा लगायतले शुभकामना मन्तव्यराख्नुभएको थियो । पर्वत उद्योग वाणिज्य संघका अध्यक्ष ठाकुर बि. पौडेलको अध्यक्षता तथा स्वागतमा सम्पन्न कार्यक्रमको संचालन महासचिब खड्गप्रसाद खनाल र धन्यवाद मन्तब्य बरिष्ठ उपाध्यक्ष कमल जिसीले राख्नुभएको थियो ।

संघले साधारण सभा तीन दिनसम्म मनाउने भएको छ । आइतवार गुप्तेश्वर पाठशालामा सरसफाई तथा सामाग्री वितरण तथा सोमवार मुल समारोह हुने भएको छ ।