नेकपा एमाले वरिष्ठ नेता माधवकुमार नेपाल पक्षधर सांसदहरुले प्रधानमन्त्री शेरबहादुर देउवालाई विश्वासको मत दिने भएका छन् ।

आज बोलाइएको प्रतिनिधिसभा बैठकमा देउवाले विश्वासको मत लिने तयारी गरेका हुन् ।

विज्ञापन

यसअघि देउवालाई प्रधानमन्त्रीमा समर्थन गर्न नेपाल पक्षधर २६ सांसदले हस्ताक्षर गरेका थिए । पछि सर्वोच्च अदालतमा माधवकुमार नेपाल पक्षधर २३ सांसद देउवाको पक्षमा देखिएका थिए ।

आज माधवकुमार नेपाल पक्षधर सबै सांसदले देउवालाई विश्वासको मत दिने तयारी गरेका छन् ।

‘हामीले हिजो हालेको रिट निवेदनमा पनि संसदको स्थायित्वको कुरा गरेका थियौँ,’ नेपाल पक्षधर एक सांसदले फरकधारलाई बताए, ‘त्यसैले आज हामी उहाँलाई विश्वासको मत दिन्छौँ । यो हामीले व्यक्तिका कारण गरेको होइन, विधि बनाउन गरेको निर्णय गरेको हो ।’

नेपाल पक्षधर सांसदले देउवालाई विश्वासको मत दिँदा देउवाले विश्वासको मत पाउने छन् । news source farakdhar